رأي مستخدمي الإنترنت في إنقاذ كيم هيون جونغ لحياة طبّاخ في إحدى مطاعم جزيرة جيجو

ما بقدر عمم بدرجة كبيرة بس بقدر عمم ولو بدرجة صغيرة
في وحدة بالبنك فقدت وعيها وداخت ع الارض وماحدا استرجى يقرب عليها وضلت اكتر من ربع ساعة وما حدا قرب عليها
ومو بس بسوريا في كتير دول هيك وخصوصي بهيك وضع..في كتير دول فيها ناس متطوعين بس بنفس الوقت في كتير ناس صاروا مابقا يسترجو يقربوا ع شخص لانن خايفين اذا كان معو كورونا
وبالنسبة للقصة ما كان حدا رح يعرف فيها لولا الطباخ يلي قال للاعلام انو المغني انقذ حياتو وبما انو مغني مشهور اكيد العالم كلها رح تعرف
نحنا منساعد اكيد بس مو كل العالم بتعرف لانو نحنا مانا معروفين بس بالنسبة لمشهور اكيد العالم بدا تعرف وتدعموا
وبالنسبة لتمجيد تصرفه فهو بيستاهل ما تنسي انو انقذ حياة شخص كان ممكن يموت لانو سيارة الاسعاف تأخرت لحتى وصلت لهيك ابدا مانو تصرف بسيط وعادي وسبق وقلتلك في عالم كتير بتموت نتيجة الاسعافات الاولية الخاطئة

ما حكيتك بوجهة نظر فان حكيتك بوجهة نظر حيادية
نحنا العرب بشكل عام معروفين منساعد كتير ولو هيك حالة في شخص مر فيها وساعد اكبد الناس رح تمجد الموقف
يعني هو ما عطا بسكوتة لبنت عم تبكي هو انقذ حياة شخص يعني يمكن لولاه كان هاد الشخص رح يموت وخصوصي انت سيارة الاسعاف تأخرت لحتى اجت
انت قلتي انو تصرف سليم بس ما بيستاهل هي المبالغة وكأنو عمل اسطوري
كيف ما بيستاهل المبالغة؟كيف مانو عمل اسطوري؟ انك تنقذي حياة شخص عمل عادي برأيك؟؟
ما عم احكي من وجهة نظري كفان عم احكي من وجهة نظر شخص عادي ما بيعرفو وقرا هيك موقف معقول ما يبالغ بمدحو أو يعتبر الشي يلي عملو عادي وكل الناس بتعملوا؟؟ لا اسمحيلي قلك انو هاد العمل مو عادي اذا شايفتيه ما بيستاهل هي الضجة فهاد رأيك وانت حرة فيه اكيد بس من وجهة نظر العالم فهو عمل بطولي
انك تنقذي روح مو عمل عادي وشي سهل حبيبتي

وانت اذا هاد الشخص ما بتحترميه فهو شي عادي يعني اكيد مو كل العالم بتعجب بعضها… واتوقع كرهك الو نابع من القضية تبعيتو مع حبيبته السابقة لهيك بنصحك تتابعي القضية كلها بالتفصيل يمكن كتير تتغير وجهة نظرك فيه لأنو هو انسان مانو سيئ نهائيا
بالعكس هو شخص كتير منيح…وطبعا ما عم حكيكي من وجهة نظري كفان بس ايا حدا بيعرفو وبتابع اخبارو بيعرف قديش هاد الشخص منيح⁦👍🏻⁩

لاعاد تروحين مستشفى 😂😂😂😂