[الآراء] تم الكشف عن أول صورة لـ سينغري من الجيش مع زملائه الجنود

شوفي انا ابويا محامي وكان يبغاني اصير محاميه زيه فعلمني كثير اشياء عن المحامه و القانون
اول شي خلينا نحط عواطفنا كحريم على جنب لانو القانون مافيه عاطفه
بالنسبه لمسأله الملهى و اغتصابهم للبنات مع الاسف انو البنات الي صورتهم الكاميرا مع الاسف انو مهنتهم الفعليه انهم كانو يشتغلو في الدعاره او سبق لهم الشغل في الدعاره وهوا سينغري بينكر انه كان يعرف بالي بيصير ودفاع النادي بيقولو انهم البنات طلبو… اكيد حصل فيه مواجه في المحكه بين محامينه و محامين الطرف الثاني الي هوا النادي و محامين الطرف الثالث الي هما البنات غالبا محامينه اقنعو المحكمه ومهو شي غريب يصير ياما شفنا قضايا تنتهي كذا

بالنسبه لتوفير العاهرات قانونيا في العالم مهو ممتوع بما انو الطرف الاول الي هما المستثمرين طلبو ومستعدين يدفعو و الطرف الثاني الي هما العاهرات موافقين واندفع لهم فالطرفين موافقين فليش احنا نجي نحاكم الطرف الي في الوسط الي جمعهم ؟ في كوريا ممنوع الدعاره قانونيا لاكنه مو فعلا بيتنفذ لانو يا كثر مراكز الدعاره الغير رسميه عندهم
عقاب دي الاشياء اكون صريحه معاكي دايم يكون خفيف وغالبا مبلغ يندفع مو سجن وفي كثير اماكن في العالم فعليا ما بيعاقبونهم عليها كوريا وحده منهم كثير اماكن دعاره عندهم ترا وغير قانونيه بس نادر يتعاقبو اصحاب المحلات دي او الانشطه دي
(لو جينا للحق شخصيا انا افكر انو افضل انها تكون موجوده … على نسبه الرجال الكلاب المتهلفين للجنس الي عندهم افضل يروحو محل دعاره لنساء راضيات ولا يستغلو البنات القاصرات زي قضيه باكسا )

بالنسبه لتهمه تعاطي المخدرات ابد ما اثبتت عليه وكل تحليل سوله هوا طلع سالب ( الي اتوقعه انا وهذا راي شخصي ماله في المحامه انو النادي الليلي كان يبيع مخدرات ومعروف كل او اغلب النوادي تبيع مخدرات للي يبغى وهاذي التهمه كانت على نادي الشمس الحارقه مو على سينغري نفسه لانو ترا سينغري يحمل جزء من الاسهم مو كل الاسهم ومو هوا المالك الرسمي عشان كذا في القضيه الي فوق حق النادي كان لسينغري محامين خاصين و للنداي محامين خاصين )

التهرب الضريبي اكون صريحه معاكي ما افتكر اني قريت عنها شي فما بفتي بخصوص دي التهمه

القمار مسموح خصوصا في المكان الي كانو فيه وهوا لاس فيقاس وهما في امريكا يعني ما ارتكب جريمه وهيا فلوسه الخاصه يعني حتى لو انو القمار في كوريا ممنوع مع انو متاكده زي اسمي يا كثر حانات القمار عندهم وماحد بيسوي شي لها يقدر محامين سينغري يطلعوه من التهمه بانهم يقولو انه كان خارج كوريا

دحين بحط لك هنا كل التهم الي طلعت للنيابه

*تقديم خدمات دعاره *
*نشر مقاطع جنسيه*
*قمار*
*تحريض على اتلاف ادله*
*اختلاس اموال *
^
بس دي التهم ةحرفيا دي التهم ابد ابد ما تدخلك السجن التهم دي بس تدفعي مبلغ معين للحكومه وتتعهدي انك ما عاد تعيديها

التهم الكبيره
*زي تصوير مقطع جنسي اثبتو انه مو هوا الي صور المقطع بس نشره
*تخدير ثم اغتصاب في النادي شرحت فوق القضيه هاذي وانو اكبر مشكله انو البنات الي اشتكو اصلا كانو يشتغلو في الدعاره
* مخدرات اثبتو انه مافي اي اثار في جسمه بانه اخد مخدرات او كان يستخدمها
* بيع المخدرات زي ما قلت لك غالبا انحطت على النادي نفسه او سينغري نكر معرفته ببيعها ولو جينا للحق هوا نادي ليلي في كل العالم النوادي الليله فيها دي الاشياء للي يبغاها

(نجي للختام وبكون صريحه معاكي لابعد درجه وانا عارفه اني بتعرض للكره عشان دا الكلام بس سينقري حب يدخل في هذا العالم حق الزبايل عشان يكسب فلوس وهاذي غلطته الاكبر بس قانونيا الي سواه ما يتعبر شي يدخله السجن …. وموجود عندهم بكثررره…. بس لو انو ما كان مشهور ما كان لقيتي كميه الكره الي جاله وللحق كثير من التهم الموجه له في باقي دول العالم مهي ممنوعه اساسا في كوريا ممنوعه لاكن الاجرات عليها مخففه …لانهم عارفين انها موجوده و بكثره ….وانهم مثلا ما يقدرو يمنعو شعبهم من الدعاره مع الاسف )

نص الاشياء اللي ذكرتيها ما سواها .. يعني سنغري متهم بالمقامرة الغير قانونية و توفير خدمات دعارة (يعني البنات يروحون برضاهم و يندفع لهم فلوس مو اغتصاب) و احتيال مالي
يعني ما اغتصب احد ولا صور احد و لا نوم احد ياريت تتأكدو من معلوماتكم قبل ما تكتبو كومنتات